“Элликқалъа пахта тозалаш” акциядорлик жамиятининг

2017 йил учун мўлжалланган

БИЗНЕС-РЕЖАСИ

1. Жамият фаолиятининг мақсади

-“Элликқалъа пахта тозалаш” акциядорлик жамияти тижорат ташкилоти бўлиб, унинг асосий мақсади молиявий-хўжалик фаолиятидан фойда олишдир.

-Жамиятининг мақсади пахта етиштирувчи хўжаликлардан қабул қилинган пахта хом-ашёсини сифатли қайта ишлаб, стандартлар талабларига жавоб берадиган пахта махсулотларини ишлаб чиқаришдан иборатдир.

2. Жамият тўғрисида маълумот
3. Жамиятнинг  номланиши:

тўлиқ номи – “Элликқалъа пахта тозалаш” акциядорлик жамияти.

қисқа номи – “Элликқалъа пахта тозалаш”АЖ.

2. Ташкилий – ҳуқуқий шакли: Акциядорлик жамияти.
3. Жамиятнингюқори ташкилоти: “Ўзпахтасаноат” АЖ.
4. Жамиятнинг юридик ва алоқа манзили: Ўзбекистон Республикаси, Қораколпакстан Республикаси, Элликқалъа тумани, Саршышунгул ОФЙ.
5. Давлат рўйхатидан ўтган санаси ва рақами: 28.07.1994 йилда 01/152-сон рақам билан рўйхатдан ўтган.

-«Элликқалъа пахта тозалаш» АЖ 1981 йилда ишга туширилган;

-Пахта тозалаш корхонаси 1 батареяли ишлаб чиқариш жараёнидан иборат;

-Пахта тозалаш корхонаси 45 000 тоннагача пахта хом ашёсини қайта ишлаш қувватига эга;

-Пахта хом ашёсини қуритиш-тозалаш цехида 2 СБ-10 – қуритиш барабанларида қуритилади. Қуритилган пахта хом ашёси УХК тозалагич линиясида дағал ва майда ифлосликлардан тозаланади. Тозаланган пахта хом ашёси тола ажратиш цехида 5 ДП – 130 (джин) ускуналарида  чигитдан толани ажратади. Олинган пахта толаси пресслаш цехида ДБ–8237 пресс ускунасида тойланади. Тойланган пахта толаси электрон тарозиларда тортилиб, лентали транспортер ёрдамида тайёр маҳсулотлар омборига ўтказилади;

-5 ЛП  линтер агрегатларида  чигитдан момиқ ажратиб  олиниб, момиқ ДА-8237 пресс ускунасида тойланади. Тойланган момиқ электрон тарозида тортилиб, тайёр маҳсулотлар омборига ўтказилади. Чигит маҳсулоти  тарозида  тортилиб элеватор ва шнеклар орқали чигит омборига узатилади.

6. Жамиятнинг реквизитлари: ОАТБ “Агробанк” Элликқалъа туман филиали, х/р: 20210000900521673001, МФО: 00614, СТИР: 200913844, МХТУ: 17111.
7. Жамият Устав фондининг миқдори 621 000,0 минг сўм бўлиб,  138 000 дона акцияни ташкил этади.

Жумладан:

• “Қоракалпокпахтасаноат” ХАБ улуши 51%, яъни 316 728.0 минг сўм, 70 384 дона акция;
• Эркин савдо улуши 43.7%, яъни 471 710 минг сўм, 60 380 дона акция; шундан 61352 дона оддий 460 дона имтиезли акцияларни
• Мехнат жамоаси улуши 5% яъни  31 050,0 минг сум, 6 900 дона акция.шундан 6004 дона оддий акцияни 236 дона имтиезли акцияларни ташкил килади.

 Акциянинг номинал киймати 1512 сумни ташкил этиб. 336 донаси имтиезли ва 138187 донаси оддий акциялар туридан иборат .

8.Жамиятнинг 01.01.2017 йил ҳолатига асосий воситаларининг қиймати жами 11 952 233  минг сўм ташкил этиши кутилмоқда.

Жумладан:

Бино, иншоатлар ва узатиш мосламалари                - 2 807 070 минг сўм

Машина ва ускуналар                                                  -3 248 046 минг сўм

Транспорт воситалари                                                 -5 474 480 минг сўм

Бошқа асосий воситалар                                              - 422 637 минг сўм

3. Жамият стратегияси (иш услуби)

Жамият асосий мақсадига эришиш учун фаолият ва хизмат кўрсатишнинг қуйидаги турларини амалга оширади:

-       пахта хом ашёсини белгиланган тартибда харид қилиш, сақлаш, қайта ишлаш, жаҳон бозорида рақобатга бардошли юқори сифатли пахта маҳсулотлари ишлаб чиқариш ва шу орқали жамиятнинг иқтисодий самарадорлигини кучайтириш ва фойда олиш;

-       пахта хом ашёсини харид қилиш ва қайта ишлаш юзасидан пахта етиштирувчи қишлоқ хўжалиги корхоналари ва фермер хўжаликлари билан контрактация шартномалари тузиш;

-       тузилган контрактация шартномаларига мувофиқ пахта хом ашёсини харид қилиш ва уни белгиланган режа-топшириқларга мувофиқ ўз вақтида қайта ишлаш, ишлаб чиқарилган пахта маҳсулотларини истеъмолчиларига етказиб бериш;

-       пахта етиштирувчи хўжаликларни пахтанинг жаҳон бозорида харидоргир бўлган селекция навларининг юқори кондицияли уруғлик чигитлари билан таъминлаш;

-       пул маблағлардан мақсадли фойдаланиш, пахта хом ашёсини харид қилиш ва қайта ишлаш юзасидан тузилган контрактация шартномаларига мувофиқ пахта етиштирувчи қишлоқ хўжалиги корхоналари ва фермер хўжаликлари билан белгиланган тартибда хисоб - китоб қилиш;

-       пахта хом ашёсини харид қилиш, пахта толаси ва бошқа пахта маҳсулотлари ишлаб чиқариш, истеъмолчиларга жўнатиш ва шу маҳсулотларнинг колдиқлари бўйича ҳисоб-китоб ва ҳисобот юритиш, пахта маҳсулотлари ишлаб чиқариш ҳажмлари, уни экспортга ва республика истеъмолчиларига сотиш бўйича маълумотларнинг ишончлилигини таъминлаш;

-       халқ истеъмоли моллари ишлаб чиқариш бозор механизмини ривожлантириш;

-       жамиятни техник жиҳатдан жиҳозлаш, замонавийлаштириш, чет эл инвестицияларини жалб этиш, жамиятни ривожлантириш учун  шарт-шароит яратиш;

-       жамият иқтисодий, молиявий ҳолатини барқарорлаштириш, инвестицион портфелдан самарали фойдаланиш, меҳнат жамоаси учун қулай, замонавий шароитлар яратиш, уларнинг иқтисодий манфаатдорлигини кучайтириш;

-       Ўзбекистон Республикаси пахтани қайта ишлаш саноатининг ривожига муносиб ҳисса қўшиш;

-       белгиланган тартибда инвесторлар билан шартнома асосида жамиятга хўжалик фаолияти учун самарали бўлган инвестициялар киритиш;

-       Ўзбекистон Республикаси ҳудудида белгиланган тартибда мол-мулк, кўчмас мулк, интеллектуал мулклар олиш, сотиш, ижарага бериш, ижарага олиш.

-       ишлаб чиқарилган халқ истеъмоли молларининг улгуржи ва чакана савдосини ташкил этиш;

-       қишлоқ хўжалик, жумладан чорвачилик махсулотларини ишлаб чиқариш ва уларни сотиш;

-       Ўзбекистон Республикасининг норматив-ҳуқуқий ҳужжатларида тақиқланмаган бошқа фаолият турларини амалга ошириш.

1.  Жамиятда сотиладиган маҳсулотлар ва кўрсатиладиган хизматлар бўйича маркетинг стратегияси

Жамият фаолиятининг ўзига хос хусусиятларидан келиб чикиб, маркетинг стратегиясининг асосий йўналишлари қуйидагилар:

1)       баҳони шакллантириш сиёсати;

2)       миқдор бўйича бозор талаби;

3)       нав ва сифат бўйича бозор талаби;

4)       етказиб бериш муддати бўйича бозор талаби индивидуал ҳал қилинади.

Ишлаб чиқарилидиган пахта маҳсулотлари селекция навларига, синфларларга ва типларга қараб Молия вазирлиги томонидантасдиқланган улгуржи нархлари нархномасида (прейскурант) кўрсатилган нархлар асосида сотилади. Улгуржи нархлар бир пахта ҳосили давомида амал қилиши сабабли, бизнес-режа ҳисоб-китобларидаги даромад қисмини ишончлилик билан режалаштириш мумкин. Жамиятда асосан Омад, Дустлик , Бухоро-102 ва Келажак селекция навдаги пахта толаси ишлаб чиқарилиши сабабли, амалдаги улгуржи нархларга асосан 1-ўрта Омад селекция навли тола 4347.0 минг сўм/тонна, С-4727 селекция навли тола 4196,58 мингсўм/тоннава Бухоро-102 селекция навли тола 4181,40 мингсўм/тонна  бўйича ҳисоб-китоб қилинади.Шунингдек, амалдаги улгуржи нархларга асосан пахта момиғи 1-Б-ўрта1141,47 минг сўм/тоннабўйича ҳисоб-китоб қилинади.

Миқдор жиҳатидан олиб қаралганда марказлашган буюртма асосида маҳсулот етказиб берилиши сабабли, ишлаб чиқарилган пахта маҳсулотларининг барчаси сотилиши эҳтимоли юқори.

Ишлаб чиқарилган пахта маҳсулотлари Ўзбекистон Республикаси Вазирлар Маҳкамасининг “Пахта толасини сотиш ва ҳисоб-китоблар механизмини такомиллаштириш тўғрисида” 2016 йил 30 августдаги 286-сон, “Пахта чигитини етказиб бериш ва ундан фойдаланиш механизмини такомиллаштириш бўйича қўшимча чора-тадбирлар тўғрисида” 2006 йил 18 сентябрдаги 199-сон ва “Маҳсулотлар, хом ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида” 2004 йил 05 февралдаги 57-сонқарорларига асосан “Ўзпахтаэкспорт” акциядорлик жамиятига, ёғ-мой корхоналарига ва бошқа истеъмолчиларга белгиланган тартибда сотилади.

2. Жамиятнинг маркетинг концепцияси. Моддий ресурслар ва сотиш прогнозлари
3. Тайёр махсулотларни ишлаб чикариш ва сотиш режаси

Режалаштирилаётган йилда маҳсулотнинг йил бошидаги, йил охиридаги колдиғини шунингдек сотилиш миқдорини таъминлаш учун пахта хом ашёсини ишлатилиш миқдорини хам ҳисоб-китобини амалга оширишлозим. Тайёрланадиган пахта хом ашёсидан қуйидаги миқдорда пахта маҳсулотларини ишлаб чиқариб ва сотиш режалаштирилган . (Жадвал№1):

1. Пахта толаси – 8461,0 тн  36132547 минг сўм;
2. Техник чигит – 12 897 тн 6682387 минг сўм;
3. Пахта момиғи – 641 тн  614147 минг сўм;
4. Таркибида улик бўлган чиқиндилар– 8 тн 1755 минг сўм;
5. Таркибида калта момиқ бўлган чиқиндилар –1130 тн  172440 минг сўм;
6. Уруғлик чигит – 1402 тн  3131933 минг сўм:
7. Транспорт хизматлари курсатишдан-450000 минг сумм
8. Савутгичдан олинадиган даромад-25000 минг сум
9. Товар моддий бойликларни сотиш-769000 минг сум
10. КТЦ хизмати-415260 минг сум

2017 йил давомида жами бўлиб 48404468 минг сўмлик тайёр маҳсулотлар ва товар моддий бойликлар сотиш ҳамда хизматлар кўрсатиш режалаштирилган.

Жумладан:

-43603275 минг сўмлик ишлаб чиқаришдан олинадиган тайёр пахта маҳсулотларни сотиш;

-3131933 минг сўмлик уруғлик чигитини сотиш;

-769000 минг сўмлик товар ва инвентарларни сотиш;

-415260 минг сўмликқуритиш-тозалаш хизмати

- 25000 минг сумлик совитгич хизмати

-450000 минг сумлик транспорт хизматлари

Шундан 2017 йил биринчи ярим йилликда 2016 йил ҳосилиданқолдиқ пахта хом ашёсини қайта ишлашдан 17586622 минг сўмлик ва 2017 йил ҳосили пахта хом ашёсини қайта ишлашдан 30807847 минг сўм, асосий фаолиятнинг бошка даромадлари 4838403 минг сумлик жами 48404468 минг сўмликолинадиган тайёр пахта маҳсулотларини сотишдан даромад олиш режалаштирилган.

Режалаштираётган йилда маҳсулот сотилиши билан биргаунинг йил бошидаги ва йил охиридаги қолдиқлари хам белгиланади. Бунда асосий маҳсулот – пахта толасининг 2017 йил бошидаги ва йил охиридаги қолдиғи бир хил қилиб белгиланаши мақсадга мувофиқ (Жадвал№2/3).

 5.2. Пахта хом ашёси ва тайер пахта махсулотларининг нархларини бизнес-режада қўллаш динамикаси

Жамиятнинг 2017 йил учун мўлжалланган бизнес-режасини тузишда,даромад ва харажатларни белгилашда, йил давомида нархларнинг ўзгариши ҳам инобатга олинди. Бунинг учун,Молия вазирлиги томонидантасдиқланган улгуржи нархлари нархномасидаги олдинги йилҳосилининг нархлариниўзгариш коэффициентлари ўрганиб чиқилди ва ушбу бизнес-режада қўлланилди (Жадвал№1/1).

3. Жамиятда иш юритиш услубининг ИСО 9000 стандарти талабларига мувофиқлиги

Сифат менежменти тизимини яратиш учун жамиятнинг стратегик қарори зарур. Жамиятнинг сифат менежменти тизимини ишлаб чиқиш ва жорий этишга ўзгарадиган эҳтиёжлар, аниқ мақсадлар ишлаб чиқарилаётган маҳсулотнинг ўзига хос хусусиятлари, қўлланилаётган технологик жараёнлар, корхонанинг катталиги ва тузилиши таъсир қилади. Мазкур стандарт сифат менежменти тизимларининг ёки бирхиллаштирилган ҳужжатларнинг бир - бирига айнан ўхшаш тузилмасини белгилаш туғрисидаги талабларни ўз ичига олмайди. Сифат менежменти тизимларига қўйиладиган талаблар, маҳсулотга қўйиладиган талабларга нисбатан қўшимча ҳисобланади.

Жамиятда 2009 йилдан бошлаб ИСО 9000 стандартлари талаблари бўйича иш юритиш услублари жорий қилинган бўлиб, 2009 йилда Республика миқёсидаги сертификат, 2011 йилда эса халқаро миқёсдаги сертификат олинди.

Ишлаб чиқариш харажатларини қисқартириш ва маҳсулот таннархини камайтириш мақсадида жамиятда ишлаб чиқаришни модернизациялаш, техник ва технологик қайта жиҳозлаш ишлари амалга оширилган.Жамият 2010 йилда модернизация килиниб,ишлаб чиқариш самарадорлиги яхшиланди.

Ўзбекистон Республикаси Вазирлар Маҳкамасининг “2016 йилда саноатда ишлаб чиқариш харажатларини қисқартириш ва маҳсулот таннархини пасайтиришга доир қўшимча чора-тадбирлар тўғрисида” 2015 йил 29 декабрдаги374-сонли қарорида кўрсатилган махсулот таннархини ўртача 10фоизга қисқартириш бўйича чора-тадбирлар тузилган бўлиб, унинг бажарилиши бўйичатегишли ишлар олиб борилмокда.

4. Жамиятнинг ташкилий тузилмаси

Бизнес-режа параметрларини ва истиқболдаги стратегик мақсад ҳамда вазифаларинитаъминлаш учун жамият Бош директори тасдиқланган ташкилий тузилмага асосан жамият таркибий бўлинмаларнинг иш самарадорлигини ошириш бўйича вазифалар тақсимотини тўғри амалга ошириши лозим.

Жамиятнинг баъзи таркибий бўлинмалари қуйидагилар:

1. Ишлаб чиқаришни мувофиқлаштириш бўлими.

Бўлимнинг асосий вазифаси бу асбоб-ускуналарнинг бетўхтов ва технологик регламент талабларига мувофиқ ишлашини, ускунадан фойдаланиш муддатини узайтириш, талаб этиладиган даражада фойдаланиш ҳолатини сақлаш, ишлаб чиқариш бино ва иншоотларни мақсадга мувофиқ  ишлатилишини таъминлаш.

2.Асосий ишлаб чиқариш бригадалари.

Ишлаб чиқариш бригадаларининг асосий вазифаси бупахтани қайта ишлаш ва пахта маҳсулотлари ишлаб чиқариш технологик жараёнини белгиланган тартибда, тармоқ стандартларига риоя этилган ҳолда ташкил қилиш.

3. Тайёр маҳсулотларни етказиб беришва логистика бўлими.

Бўлимнинг асосий вазифаси - пахта толасини терминаллар, техник чигитни ёғ-мой корхоналари ва иккиламчи маҳсулотларни истеъмолчиларга белгиланган тартибда юклатишни ташкил этиш, тайёр маҳсулотлар омборлари фаолиятини мувофиқлаштириш.

Бўлимнинг асосий вазифаси бу пахта хомашёсини тайёрлаш, саклаш, корхонага ташиб келтирилиш ҳамда уруғлик чигитни тайёрлаш (тозалаш, саралаш, туксизлантириш, дорилаш)(агар мавжуд бўлса) ва хўжаликларга етказиб беришни мувофиқлаштириш ва ташкил қилиш.

5. Техник назорат, метрология ва лаборатория бўлими.

Бўлимнинг асосий вазифаси бу технологик регламентга мувофиқ пахта хом ашёсини қайта ишланиши ва ишлаб чиқариладиган тайёр пахта маҳсулотларнинг сифатини  назорат қилиш, меъёрий ҳужжатларини, стандартларини, техникавий шартларини такомиллаштириш бўйича ишларни бажариш ва маҳсулот сифатини ошириш чораларини кўриш.

6. Бухгалтерия.

Бўлимнинг асосий вазифаси бу бухгалтерлик ҳисобини, молиявий-хўжалик фаолиятини ташкил этиш ва барча турдаги моддий ҳамда молиявий ресурслардан фойдаланишни назорат қилиш, пул маблағлари, товар моддий бойликларни ва асосий воситаларни ва уларнинг ҳаракати билан боғлик операцияларни ўз вақтида бухгалтерлик хисоботларида акс эттиришни таъминлаш ҳамда бухгалтерия ҳисоботларни юритиш.

7. Стратегик режалаштириш ва бизнесниривожлантириш бўлими.

Бўлимнинг асосий вазифаси бу юқори иқтисодий самарага эришиш мақсадида жамият стратегиясини белгилашга, хўжалик фаолиятини ташкил этишга, корхонанинг резервларини аниқлашга ва фойдаланишга йўналтирилган иқтисодий режалаштириш ишларини ташкил  қилиш, ишлаб чиқариш  топшириқномаларини расмийлаштириш, бизнес-режани тузишда иштирок этишҳамда бажарилишини назорат қилиш.

Таркибий бўлинманинг асосий вазифаси - жамият бўлимларининг шахсий таркибини ва кадрлар бўйича белгиланган ҳужжатларнинг ҳисобини олиб бориш, меҳнатга оид норматив-ҳуқуқий ҳужжатларга, ички тартиб-қоидаларгаважамият Бош директорнинг буйруқларига мувофиқ ходимларни ишга олишни, ишдан ишга ўтказишни ва ишдан бўшатишни расмийлаштириш ҳамда кадрлар заҳирасини шакллантириш.

Таркибий бўлинманинг асосий вазифаси бу жамиятга кирим қилинган Ўзбекистон Республикаси Президенти фармонлари, қарорлари, Ҳукумат қарорлари, баёнлари ва топшириқлари, юқори ташкилот ва бошқа корхона ташкилотларнинг ҳамда фуқароларнинг мурожаатларини ўрганиб чиқиб, раҳбар топшириқномаси (резолюцияси) лойиҳасини тайёрлаш ва ҳужжатни раҳбарга тақдим этиш ва ижро этилишини назорат қилиш.

1. Ахборот-коммуникация технологиялари хизмати.

Таркибий бўлинманинг асосий вазифаси – жамият корпоратив электрон тармоғини, ахборот-коммуникация технологиялари ва телекоммуникация тармоғини, дастурий воситалари, маълумотлар алмашиш ва сақлаш воситаларини соз холатда ишлашини таъминлаш.

1. Маъмурий хўжалик бўлими.

Таркибий бўлинманинг асосий вазифаси бу жамият ва унинг бўлинмаларига хўжалик хизматини кўрсатиш бўйича ишларни амалга ошириш, ишлаб чиқариш бригадалари ва ишчи-хизматчиларига иссиқ овқат тайёрлаб бериш ҳамда ишчи-хизматчиларга тез тиббий ёрдам бериш.

2. Моддий техника ресурслари таъминоти хизмати.

Ушбу таркибий бўлинманинг асосий вазифаси бу мол етказиб берувчилар томонидан шартнома мажбуриятларининг бажарилишини, материалларнинг ва бошқа моддий ресурсларнинг ҳаракати бўйича миқдор ва сифат кўрсаткичларини  назоратини олиб бориш ҳамдажамиятга зарур эҳтиёт қисмларни белгиланган тартибда етказиб берилишни таъминлаш, моддий-техника таъминотининг йил режаларини ишлаб чиқиш ва рахбариятга такдим этиш.

Таркибий бўлинманинг асосий вазифаси жамият ва унда мавжуд мол-мулкни ва ҳудудни мунтазам равишда кўздан кечириш, юк билан ва юксиз пиёда ҳамда транспорт воситалари билан кириб-чиқиш ҳукукини берувчи хўжжатларни текшириш ҳамда корхона ва тайёрлов масканида ёнғиндан caқлаш ишларини ташкил қилиш, ўт ўчириш техника воситаларини доимий тайёр ҳолатда сақлаш.

4. Пахта тайёрлов масканлари.

Сарабий, Амиробод, Богёп, Кирккиз, Гулистон ва Корхонақоши пахта тайёрлов масканлари бошлиқлари ва ходимлари томониданпахта хом ашёсини давлат стандартлари асосида қабул қилиш, сифатли сақлаш ва қайта ишлаш жараёнига етказиб бериш.

1. 2017 йилда жамиятнинг молия-хўжалик фаолияти билан боғлиқ харажатлари

2017 йилда жамиятнинг молия-хўжалик фаолияти билан боғлиқ харажатлар қуйидагилардан иборат бўлади:

- Маҳсулотнинг ишлаб чиқариш таннархига киритиладиган харажатлар (Жадвал№5);

- Давр харажатлари (Жадвал№8);

- Молиявий фаолият бўйича харажатлар (Жадвал№8).

Юқорида келтирилган харажатлар жамиятнинг даромадлар режасига мувофиқ режалаштирилган. Мос равишда йил давомида кучли форс-мажор оқибатлари натижасида кўзланган даромад олинмай қолса, бизнес-режанинг даромад ва харажат қисмига тегишли бошқарув органининг қарорига асосан ўзгартириш (корректировка) киритиш мумкин. Бунга реал даромадларнинг камайиш даражасига мос равишда, эгилувчан режалаштириш тамойилларига мувофиқ  харажат қисми ҳам қисқартириб борилади.

Жамиятда 2017 йилда тайёр пахта маҳсулотларининг ишлаб чиқариш таннархига киритиладиган харажатлар режаси

Жамиятда 2017 йилда кутилаётган давр харажатлари ва молиявий фаолият бўйича харажатлар

1. Жамиятнинг 2017 йилга мўлжалланган молиявий режаси

Бизнес-режада жамият томонидан 2017 йил давомида жами 48404468  минг сўмлик даромад олиниши режалаштирилган, жумладан:

-Тайёр пахта маҳсулотлари реализациясидан –43603275 минг сўм;

-Товар-моддий бойликларни сотиш ва бошқа хизмат кўрсатишдан –4776193 минг сўм;

-Ёрдамчи хўжаликлардан олинадиган соф даромадлардан (музлатгич, паррандачилик, пиллачилик, мажмуалардан ва х/к) – 25000 минг сўм.

2017 йил давомида жамиятнинг молия-хўжалик фаолияти билан боғлиқ харажатлари жами 47411431 минг сўмни ташкил этилиши кутилмоқда, жумладан:

-Сотиладиган маҳсулот(товар, иш ва хизмат)ларни таннархи –43150492 минг сўм;

-Давр харажатлари – 3595940 минг сўм;

-Молиявий фаолият бўйича харажатлар – 665000 минг сўм.

Жамиятда 2017 йил якуни бўйича фойда солиғини тўлагунга қадар фойда 998869 минг сўм, солиқлар тўлангандан сўнг соф фойда 759302 минг сўм олиниши режалаштирилган.

Жамиятда ишлаб чиқариш жараёни мавсумий бўлганлиги ва 2016 йил пахта ҳосили учун Молия вазирлиги томонидантасдиқланган улгуржи нархлари нархномасида пахта толасининг нархлари икки фоизга, пахта хом ашёсининг харид нархлари эса саккиз фоизга оширилганлиги сабабли, бизнес-режада 2017 йил II ва III чораклар якуни бўйича соф фойда салбий кўрсаткич билан якунланмоқда.

2. Жамиятда дебиторлик ва кредиторлик қарзларни камайтириш режаси

2017 йил давомида сотиладиган маҳсулот ва кўрсатиладиган хизматлардан 48404468 минг сўмлик тушум олиниши ва харидорлар, буюртмачилар ҳамда пахта етиштирувчи хўжаликларга 27542163минг сўмлик тўловларни амалга ошириш режалаштирилган. Жамиятнинг молия-хўжалик фаолияти давомида корхона ва ташкилотлар, пахта етиштирувчи хўжаликлар ҳамда ходимлар билан ҳисоб-китобларни ўз вақтида амалга оширилишини таъминлаш ҳамда дебиторлик ва кредиторлик қарздорликларни камайтириш жамият Бош директори томонидан доимий назоратга олиниши режалаштирилган.

Жамиятнинг 2017 йилда кутилаётган бухгалтерия баланси

1. 2017 йилда кутилаётган молиявий натижалари

Хулоса

Жамиятнинг 2017 йилдаги молия-хўжалик фаолиятидан олинадиган соф фойдаси 769302 минг сўмни ташкил қилиши кўзда тутилган.Ушбу бизнес-режада акс эттирилган барча маълумот ва кўрсаткичлар тўғрилигига жамият ижроия органи жавобгардир.

Мазкур бизнес-режа тасдиқланган(маъқулланган)дан кейин ҳам йил давомида форс-мажорҳолати вужудга келиши, бозорда рақобатнинг кутилмаган қирралари намоён бўлиши, улгуржи нархларнинг (прейскурант) пасайиши (кўтарилиши) ёки бошқа ҳолатлар юз бериши натижасида кўзланган даромадлар олинмай қолса, бизнес-режанинг даромадлар ва харажатларқисмига тегишли бошқарув органининг қарорига асосан ўзгартириш (корректировка) киритилиши мумкин.